Grandstream GWN7700 seriyası — ev ofisləri və kiçik/orta müəssisələr üçün nəzərdə tutulmuş, sadə istifadəyə malik idarəolunmayan (unmanaged) Gigabit şəbəkə switch həllidir. Bu cihazlar heç bir konfiqurasiya tələb etmir və plug-and-play prinsipi ilə dərhal istifadəyə hazır olur. Seriya modelləri 10/100/1000 Mbps sürətli bağlantını dəstəkləyir və auto MDI/MDIX funksiyası sayəsində kabel tiplərini avtomatik müəyyən edir, beləliklə “crossover” kabelə ehtiyac qalmır. Hər port avtomatik sürət tanıma (auto negotiation) funksiyası ilə qoşulan cihazın sürətini müəyyən edərək, optimal performans üçün avtomatik uyğunlaşır. GWN7700 modelləri həm masaüstü , həm də divara montaj dizaynına malikdir. PoE (Power-over-Ethernet) versiyaları isə IEEE 802.3af/at standartlarına uyğun enerji çıxışı ilə IP telefonlar , kameralar və Wi-Fi Access Point-lər kimi PoE cihazlarını birbaşa enerji ilə təmin edə bilir. Cihazda enerji sərfiyyatını minimuma endirən Green Technology sistemi mövcuddur. Hər port üçün LED göstəricilər əlaqə vəziyyətini və fəaliyyətini izləməyə imkan verir. Storm Control funksiyası isə Broadcast, Multicast və Unicast trafiklərini sabit səviyyədə saxlayaraq şəbəkənin yüklənməsinin qarşısını alır. QoS (Default Strict Priority) dəstəyi ilə GWN7700 şəbəkə trafikinə prioritet verir, kritik məlumat ötürməsini sabit saxlayır. Sadə quruluşu, etibarlılığı və yüksək sürəti ilə Grandstream GWN7700 seriyası , şəbəkəsini genişləndirmək istəyən ofislər üçün ideal seçimdir.
