İşçi Heyətinin İdarə Edilməsi üzrə Rəhbər
İşçi Heyətinin İdarə Edilməsi üzrə Rəhbər
Razılaşma yolu ilə
Yoxlanılıb5 gün əvvəl
Tarix
Nömrə№3023653
Təsvir
İş Yeri: Sinteks LLC
Lokasiya: Bakı, Azərbaycan
Vəzifənin təsviri
Business Bölməsinin biznes məqsədlərinə nail olması üçün tələb olunan işçi heyətinin, kompetensiyaların, kadr ehtiyatının və təşkilati effektivliyin təmin edilməsinə görə məsuliyyət daşıyır.
Vəzifə öhdəlikləri:
İşçi qüvvəsinin planlaşdırılması və komplektləşdirmənin effektivliyi
Business Bölməsinin biznes planını həyata keçirməsi üçün tələb olunan sayda və kompetensiyalara malik əməkdaşlarla təmin olunmasını və kritik vakansiyaların vaxtında bağlanmasını təmin edir.
Mağazaların ehtiyacları, mövsümilik və satış həcmi nəzərə alınmaqla işçi sayını təsdiq edilmiş təşkilati struktur və əməkhaqqı büdcəsi çərçivəsində optimal səviyyədə saxlayır.
İşçi çatışmazlığını, kompetensiya boşluqlarını və əmək məhsuldarlığındakı kənarlaşmaları vaxtında müəyyən edir və aradan qaldırır.
İşə qəbul olunan əməkdaşların Business Bölməsinin əməliyyat və kommersiya ehtiyaclarına uyğunluğuna, həmçinin Baş Ofisin İnsan Resursları funksiyası ilə müvafiq rəhbərlər arasında effektiv əməkdaşlığa cavabdehdir.
Təlim və inkişaf
Əməkdaşların öz vəzifələrini satış, müştəri xidməti və əməliyyat standartlarına uyğun yerinə yetirmələri üçün tələb olunan bilik və bacarıqlara malik olmasını təmin edir.
Yeni əməkdaşların adaptasiya prosesini keçməsini və müəyyən edilmiş müddət ərzində tələb olunan bilik və bacarıq səviyyəsinə çatmasını təmin edir.
Satış, xidmət və əməliyyat nəticələrinə təsir edən kompetensiya çatışmazlıqlarını müəyyən edir və onların təlim və inkişaf vasitəsilə aradan qaldırılmasını təmin edir.
Mağaza Menecerləri, yüksək potensiallı əməkdaşlar və kritik vəzifələr üzrə potensial varisləri müəyyən edir, onların inkişafını və növbəti vəzifəyə hazırlıq səviyyəsini izləyir.
Motivasiya, işçilərin saxlanılması və bağlılıq
Əməkdaşların məmnunluq və motivasiya səviyyəsini izləyir, işçi axını və kritik əməkdaşların saxlanılması ilə bağlı riskləri müəyyən edir və onların aradan qaldırılması üçün müvafiq tədbirlərin görülməsini təmin edir.
Əməkdaşların motivasiyasının artırılması, nailiyyətlərinin tanınması və mükafatlandırılması üzrə tədbirlərin həyata keçirilməsini təmin edir.
Əməkdaşların fəaliyyət nəticələri, potensialı və biznes ehtiyacları əsasında daxili keçid, vəzifə yüksəlişi və karyera inkişafı imkanlarının yaradılmasını təmin edir.
Business Bölməsi daxilində əməkdaşlığı, məsuliyyəti, təşəbbüskarlığı və yüksək nəticələri təşviq edən korporativ mədəniyyətin inkişafını dəstəkləyir.
Performans, əmək münasibətləri və intizamın idarə edilməsi
Əməkdaşlar üçün fəaliyyət məqsədlərinin müəyyən edilməsini, nəticələrin obyektiv qiymətləndirilməsini və mütəmadi geribildirimin verilməsini təmin edir.
Performans, davamiyyət, əmək intizamı və davranışla bağlı problemlərin müvafiq rəhbərlərlə birlikdə vaxtında və ardıcıl şəkildə həllini təmin edir.
Əməkdaşlarla bağlı qərar və tədbirlərin şirkətin daxili siyasətlərinə, müəyyən edilmiş səlahiyyətlərə və əmək qanunvericiliyinə uyğun olmasını təmin edir.
Ciddi və ya təkrarlanan əmək münasibətləri və intizam risklərini müəyyən edir və müvafiq tədbirlərin görülməsini təmin edir.
Əmək məhsuldarlığı və işçi heyəti xərclərinin idarə edilməsi
İşçi sayının və əməkhaqqı xərclərinin təsdiq edilmiş büdcə və biznes ehtiyacları çərçivəsində saxlanılmasını təmin edir.
Əməkhaqqı xərclərinin satışa nisbətini, əmək məhsuldarlığını, işçi qüvvəsindən istifadəni, əlavə iş saatlarını və işə çıxmama hallarını təhlil edir, kənarlaşmaları müəyyən edir və düzəldici tədbirlər görür.
İşə qəbul, əməkhaqqı dəyişiklikləri, vəzifə yüksəlişləri və təşkilati dəyişikliklərlə bağlı qərarların Business Bölməsinin maliyyə və mənfəətlilik hədəflərinə uyğun olmasını təmin edir.
İşçi heyəti üzrə KPI və hesabatlılıq
İşçi sayı, vakansiyalar, işçi axını, əməkdaşların saxlanılması, performans və əmək məhsuldarlığı üzrə əsas KPI-ları izləyir, kənarlaşmaların səbəblərini müəyyən edir və düzəldici tədbirlərin həyata keçirilməsini təmin edir.
İşçi heyəti üzrə nəticələr, əsas risklər və prioritetlər barədə Business Bölməsi Rəhbərinə müntəzəm və dəqiq məlumat təqdim edir.
Tələblər
Professional biliklər:
İşçi heyətinin planlaşdırılması və işə qəbul prosesinin koordinasiyası
Təlim və inkişaf
Motivasiya və əməkdaşların şirkətdə saxlanılması (retention)
Daxili keçidlər
Əməkdaşların bağlılığı (Employee engagement)
Performansın dəstəklənməsi
İşçi Heyətinin İdarə Edilməsi üzrə hesabatlıq
Təhsil:
İnsan Resursları, Biznesin idarə edilməsi, Psixologiya, Hüquq və ya əlaqəli sahə üzrə bakalavr və ya magistr dərəcəsi.
İR və ya İşçi Heyətinin İdarə Edilməsi sahəsində peşəkar kvalifikasiyanın olması üstünlükdür.
İş təcrübəsi:
İR, İşçi Heyətinin İdarə Edilməsi, Təlim və ya Pərakəndə satış üzrə İR Əməliyyatları sahəsində minimum 5 il iş təcrübəsi.
Çoxsaylı mağazalardan ibarət pərakəndə satış mühitində (multi-store retail environment) iş təcrübəsinə üstünlük verilir.
Komanda idarəetmə təcrübəsi üstünlükdür.
Professional bacarıq və kompetensiyalar:
HRIS/ERP sistemləri, işə qəbul prosesinin koordinasiyası, təlim administrasiyası, əməkdaş məlumatları üzrə hesabatlıq və Microsoft Office bilikləri.
Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.
Son müraciət tarixi: 24.10.2026
Elanın mənbəyi
Orijinal elanı aç© Sinteks Group of Companies jobsearch.az — Elanın mətni, şəkilləri və digər materialları hüquq sahiblərinə məxsusdur.
Mətn, qiymət və əlaqə nömrəsi mənbədəki kimi saxlanılır və avtomatik sinxronlaşdırılır. Prayk yalnız elanı daha çox alıcıya göstərir, bazar analizi aparır, mənbənin və elanın etibarlılığını yoxlayır və şəkil analizi ilə kopya elanların qarşısını alır. Müəllif və ya hüquq sahibisinizsə, elandakı telefon nömrəsi ilə elana sahiblənə və ya silinməsini tələb edə bilərsiniz.
Bənzər elanlar
