Telefon əvəzinə müraciət forması: yeni «Əlaqə» səhifəsi, mövzular və «Elanım icazəsiz götürülüb» tələbi

Prayk-a çoxlu zəng gəlirdi və onların çoxu cavabını saytda onsuz da olan suallar idi. Zəng növbəyə düşmür, qeydə alınmır, itir. Ona görə sentyabrda telefon nömrəsini saytdan götürdük və əvəzinə hər müraciətin qeydə alındığı Əlaqə səhifəsini qurduq.

1. Səhifə necə qurulub

Harada: footer-də və menyuda «Əlaqə» → /elaqe.

Necə işləyir: əvvəlcə üç kart gəlir — cavabların çoxu artıq oradadır: Tez-tez verilən suallar (elan yerləşdirmə, moderasiya, ödəniş, hesab), Forum (elanlar barədə sual və təcrübə) və «Elandan şikayət» (saxta və ya qaydaları pozan elanı elan səhifəsindəki «Şikayət et» düyməsi ilə bildirin — ən sürətli yol budur). Cavabı tapmadınızsa, aşağıda forma var.

2. Forma

Mövzunu seçirsiniz: Hesab və giriş · Elan və moderasiya · Ödəniş və balans · Təklif və fikir · Əməkdaşlıq və reklam · Digər · Elanım icazəsiz götürülüb. Adınızı, telefon və ya e-poçtdan ən azı birini və müraciəti yazırsınız — elan barədədirsə, linkini də. Cavab göstərdiyiniz kanala gəlir. Hər müraciət nömrələnir və növbəyə düşür; heç nə itmir.

3. «Elanım icazəsiz götürülüb»

Prayk bəzi elanları açıq elan saytlarından avtomatik toplayır (niyə və necə). İstəmirsinizsə, bu mövzunu seçib elanlarda göstərilən telefon nömrəsini yazırsınız. Yoxlamadan sonra həmin nömrə ilə başqa saytlardan götürülmüş bütün elanlar söndürülür və yenidən çəkilmir. Nömrə sahibliyi formada təsdiqlənmədiyi üçün bu, avtomatik deyil — hər tələbə baxılır.

Alternativ də var: «Elanlar qalsın, amma özünüz idarə edin?» — nömrənizlə sahiblənin: elanlar hesabınıza keçir, siz onları redaktə edir, silir, «Sahibindən» nişanı və mesajları alırsınız. Çox satıcı üçün bu, söndürməkdən sərfəlidir.

4. «Təklif və fikir» → forum

Bu mövzunu seçəndə ipucu çıxır: fikrinizi forumda da bölüşə bilərsiniz — orada digər istifadəçilər də oxuyur və müzakirəyə qoşulur. Keçid birbaşa «Ümumi müzakirə» bölməsində yeni mövzu formasına aparır. Forma ilə göndərilən təklif də oxunur, sadəcə forumdakı hamıya görünür.

Niyə belə

Yazılı müraciətin üç üstünlüyü var: mövzu əvvəlcədən düzgün adama düşür, tarixçə qalır və istifadəçi ilk növbədə hazır cavabı görür. Telefon Prayk-dan getmədi — o, elan səhifələrində satıcı ilə əlaqə üçün əvvəlki kimi işləyir; getdiyi yer yalnız dəstək kanalıdır.