Smartfonlar bölməsi yeniləndi: brend–model axtarışı və telefona uyğun filtrlər

Sentyabrda Prayk-ın bütün kök bölmələrini yenidən qurduq. Smartfonlar bu siyahıda ən gəncidir: bölmə ayın əvvəlində Mallar › Telefonlar altından çıxarılıb ayrıca kök bölmə edilmişdi, indi isə tam «öz saytı» görünüşünü aldı. Bu gün bölmədə 18 mindən çox aktiv elan var.

1. Öz başlıq paneli və rəngi

Bölmənin öz paneli var: fuşya çalarlı tünd fon, adı, aktiv elan sayı və bölmə daxilindəki yol. Rəng təsadüfi seçilməyib — rəng çevrəsində Mallar (narıncı), İş (bənövşəyi) və Heyvanlar (moruğu) ilə qarışmayan ton götürülüb ki, bir neçə tab açıq olanda bölmələr bir-birindən seçilsin.

2. Brend → model axtarışı

Axtarış paneli bir sətirdədir: açar söz, şəhər, qiymət. «Ətraflı» düyməsi kateqoriyanın öz sxemini açır — brend seçəndə model siyahısı yalnız həmin brendin modelləri ilə dolur, sonra yaddaş həcmi, rəng və digər sahələr gəlir. Siyahı kataloqdan yox, canlı elanlardan qurulur: yəni orada göstərilən hər model üçün bölmədə real elan var.

3. Telefona uyğun filtrlər

Smartfonlar mal məntiqi ilə işləyir: Çatdırılma, Endirim, Kredit və «Yeni / İşlənmiş» açarları yerindədir — telefon elanlarında bu xüsusiyyətlərin hamısı doldurulur. «Sərfəli» açarı isə götürüldü: o, qiyməti bazar medianı ilə müqayisə edir, median isə hazırda yalnız avtomobil və daşınmaz əmlakda hesablanır, ona görə burada həmişə boş nəticə verirdi.

4. Bir filtr səthi

Əvvəl filtrlər həm yuxarıdakı paneldə, həm sol sütunda dublikat idi. İndi tək səth var: yuxarıdakı panel və onun «Ətraflı» hissəsi. Mobildə sürətli çiplər sadələşib, geniş seçim «Bütün filtrlər» pəncərəsindədir.

5. Header və axtarış bölmə daxilindədir

Kompüterdə saytın yuxarı sətri bölmənin menyusuna çevrilir: loqonun yanında bölmə nişanı, ikinci sətirdə bölmənin kateqoriyaları. Yuxarıdakı axtarış xanası bölmə daxilində axtarır — «iPhone 13» yazanda bütün saytın deyil, smartfonların içindən nəticə gəlir; çipin çarpazına basanda axtarış bütün sayta genişlənir.

6. Mobil tətbiqdə də eynidir

Başlıq paneli, axtarış kartı və bölmə rəngi mobil tətbiqə köçürülüb; tətbiqdəki xanalar mövcud filtr vərəqini açır.

Nə dəyişməyib

Ünvan eynidir: /smartfonlar. Köhnə linkləriniz, favoritləriniz və filtrli ünvanlarınız işləyir. Tünd rejimdə kontrast ayrıca yoxlanıldı.

Telefonunuzu satmaq üçün: yeni elan forması — şəkil əlavə edəndə başlığı və təsviri süni intellekt hazırlayır. Digər bölmələr: Mallar və Avtomobillər.